گوادر ۔4دسمبر (اے پی پی) نگران وزیراعظم انوار الحق کاکڑ آکھیا جو پاک چین سدا بہار سٹرٹیجک سانجھے داری ٻئی پکی تھیندی پئی اے، آئی ایم ایف نال چھیکڑی قسط بارے سٹاف لیول ڳالھ مہاڑ شروع تھی ڳئی اے۔ دنیا اساݙے چھل متاثرین دی مدد کیتے تیار اے۔ اے ڳالھیں انہاں سنوار کوں چین۔پاکستان دوستی ہسپتال اتے سمندری پاݨی کوں استعمال دے قابل ٻݨاوݨ دی پلانٹ دی افتتاحی تقریب دے بعد میڈیا نال ڳالھ مہاڑ کریندیں ہوئیں آکھی۔ انہاں آکھیا جو انہاں منصوبیاں کوں ویلھے تے پورا کرݨ تے تعاون تے صوبائی حکومت دا شکریہ ادا کریندوں۔ انہاں آکھیا جو بلوچستان خصوصی طور گوادر دی عوام ترقی دے ایں پندھ توں فیدہ چیندی پئی اے اتے اے پندھ اڳوں ٹرسی۔ انہاں آکھیا جو پاک چین سدا بہار سٹرٹیجک سانجھے داری ٻئی پکی تھیندی پئی اے، آئی ایم ایف نال چھیکڑی قسط بارے سٹاف لیول ڳالھ مہاڑ شروع تھی ڳئی اے۔ ہک سوال دے ولدے اچ انہاں آکھیا جو دنیا اساݙے چھل متاثرین دی مدد کیتے تیار اے۔
