اسلام آباد۔27اکتوبر (اے پی پی) نگران وزیرِ اعظم انوار الحق کاکڑ آکھیا جو پاکستان اتے چین وچال مفاہتی یادداشتاں تے دستخط نال گلگت بلتستان دے لوکاں کوں روزگار دے موقع ملسن۔ وزیراعظم آفس دے میڈیا ونگ توں جاری بیان موجب اے ڳالھیں انہاں وزیرِ اعلی گلگت بلتستان گلبر خان نال ڳالھ مہاڑ کریندیں ہوئیں آکھی جنہاں جمعے کوں انہاں نال ملاقات کیتی۔ ملاقات اچ وزیرِ اعظم دے دورہء چین اچ پاکستان اتے چین وچال گلگت اتے سنکیانگ اچ تجارتی رابطے ودھاوݨ بارے مفاہمتی یادداشتاں اتے ٻئے اقدامات بارے ڳالھ کیتی ڳئی۔ وزیرِ اعلی گلگت بلتستان وزیرِ اعظم دے اڄوکے دورہ گلگت بلتستان تے وزیرِ اعظم دا شکریہ ادا کیتا۔
