اسلام آباد۔21ستمبر(اے پی پی) نگران وفاقی وزیر تعلیم مدد علی سندھی آکھیے قومی نصاب کونسل دے مسودے تے سارے صوبیں دا اتفاق اے تے اٹھویں جماعت تئیں نواں نصاب لاگو ہوسی ۔ اساکوں آپݨے تعلیمی نظام کوں بدلݨا ہوسی ۔ قومی نصاب کونسل سیکریٹریٹ دے دورے دے موقع تےپریس کانفرنس توں خطاب اچ انہاں آکھیے پورے ملک اچ ھک نصاب پڑھاوݨ دے حوالے نال جائزہ ڳھدا ویندا پئے۔ انہاں آکھیے جو تعلیم دے سوا ترقی دا کوئی رستہ کائنی۔ 80 فیصد ٻال سرکاری سکولاں اچ پڑھدن تے سکولاں دی حالت زار بہتر نی کیتی ونڄ سڳی ۔ انہاں آکھیے جو اسلام آباد دے کئی سکولاں دے اچانک دورے کیتن ۔سرکاری سکولاں اچ مزید کم کرݨ دی لوڑھ اے ۔ طالبیں دے مسئلیں کوں حل کریسوں ۔ مدد علی سندھی آکھیے ایچ ای سی دی طرفوں پی ایچ ڈی دیاں ڈگریاں دے اجرا تے کوئی چیک اینڈ بیلنس کائنی ۔انہاں آکھیے ملک اچ تعلیم دا نظام خراب اے تے اینکوں بدلݨ دی لوڑھ اے۔
