اسلام آباد۔8اکتوبر (اے پی پی):وزیر مملکت اطلاعات و نشریات فرخ حبیب آکھیے جو وفاق دے ول ول آکھݨ دے باوجود سندھ حکومت سرکاری کݨک ریلیز نی کریندی پئی ، ایندے نال سندھ اچ کݨک 2400روپے مݨ تے 20کلو تھیلا 1500روپے تئیں پڄ ڳئے ، بلاول حکومت سندھ دے عوام کوں مافیا دے رحم وکرم تے کیوں چھوڑ رکھیے،عوام دی طرفوں رائے آندی اے لیکن کہیں ھک ایجھے قدم دے پاسے نہ ویسوں جیں توں غیر جمہوری رویہ سامݨے آوے، وفاق سندھ دے عوام کوں نہ پہلے کلہا چھوڑیے تے نہ ہݨ کلھا چھوڑیسی ، او جمعے کوں معاون خصوصی بحری امور محمود مولوی اتے سندھ توں ایم این اے سیف الرحمان دے رلے پریس کانفرنس توں خطاب کریندے پئے ہن ، وزیر مملکت اطلاعات و نشریات فرخ حبیب آکھیے جو سندھ حکومت اٹے دے معاملے اچ عوام تے ظلم کریندی پئی اے ، سندھ حکومت ہر سال عوام دے ٹیکس توں مل ڳھدی ڳئی سرکاری کݨک وختی ریلیز نی کریندی ۔ انہاں آکھیے جو پنجاب اتے خیبرپختونخوا اچ سرکاری ریٹ 1950 روپے تے کݨک بروقت جاری کیتی، ایندے توں اٹے دیاں قیمتاں اچ استحکام رہیا،اڄ وی پنجاب اتے کے پی کے اچ 20 کلو اٹے دا تھیلا 1100روپے دا ہے۔ انہاں آکھیے جو پیپلز پارٹی سندھ اچ 13سال توں حکومت کریندی پئی اے ، سندھ دے عوام نال دشمنی کیتی ویندی پئی اے ،بلاول زرداری دی سندھ حکومت عوامتوں ݙو ویلھے دا نوالہ وی کھسیندی پئی اے ۔ انہاں آکھیے جو 5اکتوبرکوں وزارت غذائی تحفظ سندھ حکومت کوں سرکاری کݨک ریلیز کرݨ کیتے ول خط لکھیے لیکن حالی تئیں ایں تے عمل نی تھیا ،سندھ حکومت کوں کوئی فرق نی پوندا ، عوام کوں کݨک ، اٹا مافیا دے رحم و کرم تے چھوڑیا ہویا اے ۔
