لاہور ۔18دسمبر(اے پی پی) وزیراعلیٰ پنجاب سردار عثمان بزدارڈائریکٹوریٹ جنرل ایکسائز اینڈ ٹیکسیشن آفس شادمان اچ موٹروہیکل رجسٹریشن سمارٹ کارڈ دا اجراءکیتے۔ انہاں سمارٹ کارڈدے مرکزی کنٹرول روم دا دورہ کیتے اتے کارڈ اجراءدے نظام دا جائزہ گھدے۔ وزیراعلیٰ کوں سمارٹ کارڈپروگرام بارے بریفنگ ڈتی گئی۔ وزیراعلیٰ میڈیا نال الویندے آکھیا جو پنجاب اچ موٹر وہیکل رجسٹریشن دے نوین دور نال گاڈی دے مالکان کوں رجسٹریشن بک دے بجائے سمارٹ کارڈڈتے ویسن، ایندے نال روایتی جعلسازی مکسی، گاڈیاں دے چوری تھیونڑ دے واقعے وی گھت تھیسی،سمارٹ کارڈ اچ این ایف سی چپ اچ گاڈی اتے مالک دے مکمل کوائف ہوسن اتے بہون گھٹ مد اچ اے کارد صارفین کوں مل ویسی۔انہاں آکھیے جو حکومت پنجاب دا ایکسائز اینڈ ٹیکسیشن ڈیپارٹمنٹ روزانہ 20توں 30 ہزار سمارٹ رجسٹریشن کارڈ جاری کرنڑدی صلاحیت رکھیندے بھل حالی روزانہ 7توں 8ہزاررجسٹریشن کارڈ جاری کیتے ویسن، اے کارڈ پورے صوبے دے کہیںوی ضلع اچ صرف 520روپے اچ ڈتا ویسی۔
.jpg)
