عمران خان 176 ووٹ ، شہباز شریف 96 ووٹ گھدے،پیپلز پارٹی اتے فاٹا توں ڈو آزاد اراکین ووٹنگ اچ حصہ کائنی گھدا
اسلام آباد ۔ 17 اگست (اے پی پی) پاکستان تحریک انصاف دے چیئرمین عمران خان 176 ووٹ گھن کراہیں قومی اسمبلی اچ نویں قائد ایوان منتخب تھی گئے جڈانجو انہاں دے مقابلے اچ مسلم لیگ(ن) اتے اوندی اتحادی جماعتاں دے امیدوار میاں محمد شہباز شریف 96ووٹ گھدے۔عمران خان حلف چاونڑ دے بعد ملک دے 22ویں منتخب وزیراعظم ہوسن۔جمعہ کوں قومی اسمبلی دا اجلاس سپیکر اسد قیصر دی صدارت اچ شروع تھیا۔اجلاس اچ سپیکر قائد ایوان دے چنڑاﺅ سانگے طریقہ کار نال اراکین کوں ڈسایا جئیں دے بعد پنج منٹ سانگے گھنٹیاں وجائی گئی اتے ولا ایوان دے سارے داخلی دروازے بند کر ڈتے گئے ۔قائد ایوان دا چنڑاﺅ اوپن ڈویژن دی بنیاد تے تھیا۔
.jpg)
.jpg)
