اسلام آباد۔27نومبر (اے پی پی) وفاقی وزیر اطلاعات، نشریات، قومی ورثہ ??ے ثقافت عطاءاللہ تارڑ گزریل رات ڈی چوک اتے جناح ایونیو دا خصوصی دورہ، شرپسنداں دے احتجاج اچ تھیوݨ آلے نقصان دا جائزہ ڳھدا۔ ایں موقع تے انہاں حقائق بارے ݙسیندیں ہوئیں آکھیا جو ڈی چوک توں سیونتھ ایونیو تئیں سڑکاں بلکل سنسان ہن۔ انتشار کھنڈاوݨ آلے بے سروسامانی دی حالت ??چ ٻھج ڳئن۔ انہاں دی فائنل ??ال دا کیا تھیے؟ ڈی چوک توں بلیو ایریا آلی سائیڈ تے انہاں آپݨے فائنل ??ال آلے کنٹینر کوں آپ ٻھاہ لاتی جئیں اچ شواہد موجود ہن جو کیڑھی ڄاہ تے حملہ کرݨے۔ اتھاں کافی دستاویزات سڑی ہوئی پئن۔ انہاں دی پوری نیت ہئی جو اڳوں پڄ تے جلاؤ گھیرآؤ، جانی نقصان اتے سرکاری املاک دا ضیان کیتا ونڄے۔ انہاں ݙسیا جو اتھ وݨ ٻنھے ڳئے، گن?? مچایا، پتھر سٹیے ڳئن۔ انہاں دے لیڈر جیڑھی فائنل ??ال ݙتی ہئی اوندا کیا ٻݨٰیا؟ اے لیڈر کوں چھڑواوݨ آئے ہن اتے آپݨے بندے گرفتار کروا تے ڳئے۔ بشریٰ بی بی اتے گنڈا پور آپت اچ نوک جھونک پاروں کٹھے نہ تھیندے پئے ہن۔ سکیورٹی فورسز دا شکریہ جو انہاں ݙوہیں کوں کٹھا کیتا اتے ہکو ڳاݙی اچ ٻہہ تے ٻھج ڳئے۔ اے جیڑھی ٹرانسپورٹ اچ آئے ہن اونکوں چھوڑ تے ٻھج ڳئن۔ زیروپوائنٹ آلی سائیڈ تے وی راہ کلیئر اے۔ انہاں آکھیا جو تحریک انصاف ولوں کوڑا پراپیگنڈا کیتا ویندا پئے جو اتھ لاشاں ݙہائی ڳئن۔ ڈائریکٹ فائرنگ کیتی ڳئی اے۔ ایں پورے روٹ اچ اساکوں نہ کتھائیں گولیاں دے خول نظر آئن نہ لاشاں نظر آئن نہ انہاں کول کوئی ویڈیو ثبوت اے۔ کہیں ہسپتال اچ کوئی ڈیڈ باڈی نی ڳئی۔ ناکامی اتے فرار دے بعد ہݨ کوڑا بیانیہ ٻݨایا ویندا پئے۔ اینکوں رد کریندوں۔ انہاں آکھیا جو کون لوک ہن جنہاں کوں گولی ماری ڳئی اے۔ کڄھ لوکاں دی جعلی لسٹاں سوشل میڈیا تے شیئر کریندے پئن۔ انہاں آکھیا جو اساں کنے سی سی ٹی وی فوٹیج موجود اے جئیں اچ انہاں دے لوک فائرنگ کریندے پئن۔ وفاقی وزیر آکھیا جو مکافات عمل اے جو انہاں نو مئی کوں وردیاں لٹکائی ہن اڄ انہاں دے کپڑے اتھ نظر امدے پئن جنہاں کوں چھوڑ تے ٻھج ڳئنن۔ پچھلی واری وی علی امین گنڈاپور اتھوں ٻھجیا ہئی۔ ایں واری وی اتھاؤں ٻھجیے۔ اے اسلام آباد اچ لشکر کشی کرݨ آئے ہن۔ ہݨ انہاں کوں چاہیدے جو آپݨے صوبے اچ ونڄ تے لوکاں دی خدمت کرن۔
.jpg)
