اسلام آباد۔27اپریل (اے پی پی) وزیراعظم محمد شہباز شریف عالمی تعاون، ترقی اتے توانائی بارے عالمی اقتصادی فورم (ڈبلیو ای ایف) دے ݙو ݙینھ دے خصوصی اجلاس اچ شرکت کیتے اڄ چھݨ چھݨ کوں سعودی عرب ویسن۔ وزیراعظم کوں فورم دے اجلاس اچ شرکت دی دعوت ولی عہد اتے سعودی مملکت دے وزیر اعظم محمد بن سلمان آل سعود اتے ڈبلیو ای ایف دے بانی اتے ایگزیکٹو چیئرمین پروفیسر کلاؤس شواب ݙتی ہئی۔ وزیر اعظم آف?? میڈیا ونگ توں جاری پریس ریلیز موجب وزیرعظم نال وفد اچ وفاقی کابینہ دے ارکان وی ہوسن۔ ایں موقع تے عالمی رہنماواں نال ملاقاتاں اچ وزیراعظم صحت، مالیاتی ٹیکنالوجیز، انفارمیشن ٹیکنالوجی، جامع ترقی، علاقائی تعاون اتے عالمی ترقی کیتے توانائی دے مساوی اتے پائیدار استعمال بارے پاکستان دے نقطہ نظر کوں نشابر کریسن۔ ڈبلیو ای ایف دے اجلاس دے موقع تے انہاں دی عالمی رہنماواں ، عالمی اداریاں دے سربراہواں اتے ٻئی اہم شخصیات نال ݙوپاسہ ملاقاتاں وی متوقع ہ??۔ ݙو ݙینھ دے خصوصی اجلاس دے موضوعات اچ جغرافیائی سیاسی ہلچل، خصوصی طور یوکرین اتے غزہ دے تنازعے شامل ہن۔
.jpg)
