اوکھے ویلھے اچ ترکی نال اظہار یکجہتی
اسلام آباد ۔ 11 دسمبر (اے پی پی) پاکستان اتوار کوں استنبول اچ تھیونڑ آلے دہشت گرد حملے دی ودھ سارے لفظاں اچ مذمت کریندے ہوئٰں ترکی دے نال یکجہتی دا اظہار کیتا ہے ۔دفتر خارجہ ولوں اتوا ر کوں جاری کیتے گے بیان اچ آکھیا گیا ہے جو استنبول دے ضلع بیسکتاسک اچ دہشتگرد حملے نال 27سیکیورٹی اہلکاراں اتے 2سویلین لوکاں دے جاں بحق تھیونڑ اتے 166لوکاں دے زخمی تھیونڑ تے ودھ سارا افسوس تھیا ہے ۔حملے اچ جاں بحق لوکاں دی مغفرت سانگے دعا کریندوں تے اساں ترکی دی حکومت تے عوام دے نال ہوں ۔ایندے علاوہ زخمیاں دی وختی چنگی صحت سانگے دعا کریندوں ۔
.jpg)
