اسلام آباد۔18نومبر (اے ??ی پی) وزیر مملکت برائے انفارمیشن ٹی??نالوجی و ٹیلی کمیونیکیشن شزہ فاطمہ آکھیا جو اڄوکے مالی سال دے پہلے چار مہینے اچ آئی ٹی دی برآمدی ترسیلات اچ 34.9 فیصد ریکارڈ ودھارا تھیے۔ جولائی توں اکتوبر آئی ٹی برآمدات 1.206 ارب ڈالرز تئیں ??ڄ ڳئن جڈانجو گزریل مالی سال دے ایں عرصے اچ آئی ٹی برآمدات 894 ملین ڈالرز ہن۔ سنوار کوں وزارت آئی ٹی و ٹیلی کمیونیکیشن توں جاری بیان موجب وزیر مملکت شزہ فاطمہ آکھیا جو اکتوبر 2024 اچ آئی ٹی دی برآمدی ترسیلات 330 ملین ڈالر رہین، آئی ٹی برآمدات اچ گزریل سال اکتوبر دے مہینے دے مقابلے اچ 38.6 فیصد ودھارا تھیے۔ گزریل مالی سال اکتوبر اچ آئی ٹی برآمدات 238 ملین ڈالرز ہن۔
