اسلام آباد۔16اکتوبر (اے پی پی) شنگھائی تعاون تنظیم (ایس سی او) دے رکن ملکاں دی کونسل آف ہیڈز آف گورنمنٹ (سی ایچ جی) دا 23 واں اجلاس وزیر اعظم محمد شہباز شری?? دی صدارت اچ بدھ کوں جناح کنونشن سنٹر اچ شروع تھی ڳئے۔ وزیراعظم ایس سی او اجلاس اچ شرکت کرݨ آلے حکومت دے سربراہواں دا استقبال کیتا۔ اجلاس اچ شریک رکن ملکاں دے کئی سربراہان حکومت اتے وزراء گزریل ݙینھ وفاقی دارالحکومت اسلام آباد پڄیے ہن جڈانجو چین دے وزیر اعظم لی چیانگ پہلے ای سرکاری دورے تے پاکستان اچ ہن۔ شنگھائی تعاون تنظیم دے اجلاس اچ شرکت کیتے روس دے وزیراعظم میخائل مشوستن اتے ایرانی وزیر معدنیات محمد اتابک وی پاکستان پڄین۔ اجلاس اچ شنگھائی تعاون تنظیم دے رہنماءایس سی او دے رکن ملکاں وچال معیشت، تجارت ماحولیات اتے سماجی تے ثقافتی رابطے دے شعبیاں اچ جاری تعاون تے ڳالھ مہاڑ کریسن۔ کونسل آف ہیڈز آف گورنمنٹ (سی ایچ جی) شنگھائی تعاون تنظیم دا ݙوجھا اعلیٰ ترین فورم جئیں دی سربراہی پاکستان کنے اے اتے وزیر اعظم محمد شہباز شریف ایں ویلھے کونسل دے چیئر دے عہدے تے فائز ہن۔ شنگھائی تعاون تنظیم دے ݙو ݙینھ دے اجلاس اچ چین، روس، کرغزستان، بیلاروس، تاجکستان، ترکمانستان، قازقستان، منگولیا، بھارت، ایران اتے ٻئے ملکاں دے رہنماواں دے علاوہ مبصر ملک اتے ڈائیلاگ ??ارٹرنرز شریک تھیندے پئن۔ وزیر اعظم محمد شہباز شریف شنگھائی تعاون تنظیم (ایس سی او) دے رکن ملکاں دے کونسل آف ہیڈز آف گورنمنٹ دے جناح کنونشن سنٹر اسلام آباد اچ تھیوݨ آلے باضابطہ اجلاس توں ??ہلے رکن ملکاں دے رہنماواں دا خیر مقدم کیتا۔
.jpg)
.jpg)
