اسلام آباد۔29ستمبر (اے پی پی):ورلڈ ہیلتھ آرگنائزیشن دے ہیلتھ ??یم??جنسی پروگرام دے ایگزیکٹو ڈائریکٹر ڈاکٹر مائیک ریان، پاکستان اچ عالمی ادارہ صحت دے نمائندہ ڈاکٹر پالیتھا مہیپالا، اتے ڈبلیو ایچ او دی ٹیم بلوچستان دے نصیر آباد ڈویژن اچ سیلاب متاثرہ ضلعیں دا دورہ کیتے تے سیلاب متاثرین کیتے ??یم??ولینسز اتے ٻیاطبی سامان بطور عطیہ کمشنر نصیر آباد ڈویژن دے حوالے کیتا۔ ایں موقع تے وزارت قومی صحت دے سیکرٹری ??اف?? طائر اتے کمشنر نصیر آباد ڈویژن بشیر بنگلزئی ڈویژن دے مختلف ضلعیں اچ سیلابی صورتحال اتے سیلاب توں کھنڈݨ آلیاں بیماریاں بارے بریفنگ ݙتی جݙاں جو چیف سیکرٹری بلوچستان عبدالعزیز عقیلی ویڈیو لنک دے ذریعے ڈاکٹر ریان تے انہاں دی ٹیم کوں بلوچستان آوݨ تے خوش آمدید آکھیے ۔ چیف سیکرٹری ضرورت ویلھے محکمہ صحت دی مدد کریندے ہوئیں خطے اچ ڈبلیو ایچ او دے کردار دی تعریف کیتی ، ڈبلیو ایچ او دی طرفوں مزید مدد کرݨ دے عزم دا اظہار کریندے ہوئیں ڈاکٹر ریان آکھیے جو اساکوں دنیا کوں ݙساوݨا اے جو بے گھر لوکاں، لکھاں لوک بحران دا شکار ہن۔ ایں موسمیاتی آفت متعلق حقیقی ضرورتاں ہن ۔اساں وسائل، پیسہ، لوکاں تے سامان دی تلاش کیتے ہر ممکن کوشش کرݨ سانڳے پرعمز ہیسے ۔ ھک مکمل آپریشن تھیوݨا چاہیدے اساں کنے ویلھا ونڄاوݨ دا کوئی موقع کائنی، جے اساں موقع تے ویلھا ونڄیندوں توں لوک مر ویسن ۔ صحیح توجہ نہ ݙتی ڳی تان لوکاں دی اوکھ ودھ ویسی ۔ ایں کیتے اساکوں ھکے ویلھے ٻہوں سارے کم کرݨے ہوسن ۔
.jpg)
.jpg)
