اسلام آباد ۔ 23 مئی (اے پی پی) وزیراعظم شاہد خاقان عباسی ملائیشیادے ہم منصب ڈاکٹر مہاتیر محمد کوں ٹیلیفون کیتا اتے انہاں کوں وزارت عظمیٰ دا منصب سنبھالنڑ تے مبارخ ڈتی ۔ وزیراعظم ملائیشیاءاچ الیکشن دے پرامن انعقاد اتے اقتدار دی خوش دلی نال منتقلی دی تعریف کریندے ہوئیں آکھیا جو ایں عمل نال ملائیشیادی قوم دی پختگی دی عکاسی تھیندی اے۔ انہاں آکھیا جو سیاسی اتحاد ”پاکاتان ہاراپان“ دی بے مثال کامیابی ڈاکٹر مہاتیر محمد دی فعال اتے متاثر کن قیادت تے عوامی اعتماد دی مظہر اے۔ انہاں ملائیشیادے ہم منصب دے نال پاک ملائیشیاءتعلقات تے گال بات کیتی تے معیشت، سرمایہ کاری، توانائی، دفاع اتے سیاحت دے شعبیں اچ موقع لبھنڑ دے ذریعے نال ڈوطرفہ تعلقات کو ں بیا پکاکرنڑ دی خواہش دا اظہار کیتا۔ وزیراعظم شاہد خاقان عباسی جموں و کشمیر اتے فلسطین سمیت مسلم امہ کوں درپیش مسلیں تے وی گال بات کیتی ۔ انہاں ڈوپاسے تعلقات کو ںپکا کرنڑ اتے سدھے پاسے گھن ونجنڑ سانگے پارلیمانی تبادلیں سمیت اعلیٰ سطح دے دوریں دی ضرورت تے وی زور ڈتا۔ شاہد خاقان عباسی ڈاکٹر مہاتیر محمد کو ںدورہ پاکستان دی دعوت وی ڈتی۔ وزیراعظم ڈاکٹر مہاتیر محمد نیک خواہشات تے وزیراعظم دا شکریہ ادا کریندے ہوئیںڈوطرفہ تعلقات کوں پکا کرنڑ تے ودھارا ڈیونڑ دے اپنڑے عزم دا اظہار کیتا۔
.jpg)
