اسلام آباد ۔ 7 فروری (اے پی پی) وزیر اعظم شاہد خاقان عباسی آکھیے جو پاکستان اچ ٹیکس دی بنیاد کوں ودھاونڑ دے سلسلے اچ نویں لوکاں کوں ٹیکس نیٹ اچ گھن آونڑ کیتے قومی شناختی ڈیٹا کوں بروئے کار لاونڑ دا منصوبہ ہے ،ایندے اچ ٹیکس چوری روکنڑ ،پراپرٹری دی درست ویلیو ایشن دی حوصلہ افزائی ، انفرادی ٹیکس دی شرح اچ گھٹکی تے ایمنسٹی پروگرام کوں پیش کرنڑاں شامل ہے۔ بین الاقوامی خبر رساں ادارے بلوم برگ کو ںانٹر ویو اچ وزیراعظم آکھیا جو ایں معاملے تے اساں ہک حکمت عملی نال کم کریندے پیوں ۔انہاں آکھیا جو پیسے بنڑائے ونج سگدن لیکن خرچے کوں لکایا نی ونج سگدا ،یوٹیلٹی بل، باہرلے سفر دی تفصیل تے کریڈٹ کارڈ دے خرچے نال ساری صورت حال سامنڑے آ ویندی ہے ۔ وزیر اعظم آکھیا پروگرام دے تحت پاکستانیاں کوں 10فیصد دی بجائے 3 فیصد فیس دی ادائیگی نال اپنڑی دولت کوں ظاہر کرنڑ دی حوصلہ افزائی تھیسی ۔ وزیر اعظم ہک سوال دے جواب اچ آکھیا جو پنج سال پہلے پاکستان دی جی ڈی پی دی شرح نمو 3فیصد توں گھٹ ہئی جیرھی ہنڑ 5فیصد دے نیڑے ہے جڈاں آندے مالی سال اچ اساں 6فیصد توں ودھ شرح نمو حاصل کریسوں ۔انہاں آکھیا جو سیاسی اوکھ دے باوجود حکومت چنگی کاکردگی دا مظاہر ہ کیتے ۔
.jpg)
