اسلام آباد ۔ 19 دسمبر (اے پی پی)پاک فوج سابق صدر جنرل ریٹائرڈپرویز مشرف بارے عدالت دے فیصلے تے اپنڑے خدشات درست قرار ڈیندے آکھیے جو ایںفیصلے اچ الفاظ دا استعمال کہیں وی قانون، مذہب، انسانی اقدار توں باھرواے،ساڈے دشمن، اوندے سہولت اتے آلہ کاراں دے مذموم عزائم ہر صورت ناکام بنڑائے ویسن،فوج اتے حکومت ملک کوں اوں پاسے گھدی ویندن جتھاں ملک مستحکم اتے خوشحال تھیوے،پاک فوج ہک ادارہ ہی نئیں خاندان اے،عوام اپنڑی افواج تے اعتماد رکھین، اساں ملک اچ کہیں صورت انتشار نہ پھیلنڑ ڈیسوں، اپنڑے ادارے اتے ملک دی عزت و وقارکوں قائم رکھیسوں،آرمی چیف اتے وزیراعظم ملاقات کیتی اے اتے اجوکی سورتحال تے اہم فیصلے کیتن جیندی تفصیل تیکھے حکومت پیش کر ڈیسی۔اے گالھ انہاں ہک پریس کانفرنس اچ آکھی۔ انہاں آکھیے جو پاک فوج جنرل مشرف بارے فیصلے تے اپنڑے خدشات ڈسائے ہن بھل اج فیصلے اتے اوندے الفاط توں بعد ساڈے اے خدشات درست ثابت تھین،ساکوں پتا اے جوکجھ لوک اندرونی اتے بیرونی حملیاںاتے مسلیاں اچ ولھیٹ تے آپس اچ بھڑاونڑ چاہندن،جیکراساں اندرونی و بیرونی چلنجاں نال نمٹ سگدے ہیں تاں ول اپنڑے اندرونی دشمناں اتے انہاں دی سازشاں دا دفاع کرنڑ وی جانڑدے ہیں۔انہاںا ٓکھیے جو پاک فوج ہک ادارہ ہی نئیں ہک خاندان اے،جیندے وقارتے کوئی سمجھوتہ نئیں کیتا ونج سگدا،اساں ملک کوں استحکام ڈیونڑ کیتے قربانیاں دی مثال پیش کیتی اے،اساں اپنڑے اگو تے ودھدے پیر پچھو تے نہ ہٹنڑ ڈیسوں،ملک دادفاع وی کریسوں اتے اپنڑے ادارے دا وقار وی بحال رکھسوں۔انہاں ڈسایا جو معاملے تے آرمی چیف جنرل قمر جاوید باجوہ وزیراعظم عمران خان نال ملین اتے تفصیلی الواونر توں بعد اہم فیصلے کیتن جیندے بارے حکومت میڈیا کوںا ٓپ ڈسیسی۔ انہاں عوام توں اپیل کیتی جو عوام اپنڑی افواج تے بھروسہ رکھین،ملک دشمناں کوں بھرپور ولدا ڈتا ویسی۔
