اسلام آباد??7مئی (اے پی پی) سپیکر قومی اسمبلی سردار ایاز صادق ولوں بھارت دی طرفوں پاکستان تے حملے دی شدید لفظاں اچ مذمت کریندے ہوئیں آکھیا ڳئے جو بھارت دا رات دی اندھارے اچ حملہ ٻہوں بزدلانہ عمل اے۔ آپݨے مذمتی بیان اچ انہاں آکھیے جو بھارت ولوں سول آبادی تے حملہ کرتے عالمی قوانین دی صریح خلاف ورزی کیتی ڳئی اے۔پاکستان دی مسلح افواج دی طرفوں بزدل دشمن دے حملے دا منہ بھن جواب ݙتا ڳئے۔ سپیکر قومی اسمبلی ولوں پاکستان دی مسلح افواج کوں بھارتی جارحیت دا منہ بھن جواب ڈیوݨ تے پاک افواج کوں خراج تحسین پیش کیتا گئے اتے آکھیا گئے جو پاکستان دی مسلح افواج بھرپور صلاحیت نال دشمن دی جارحیت دا جواب ݙیندی پئی اے ۔بھارت ولوں جارحیت دا آغاز کرتے پاکستان دے صبر دا امتحان ڳھدا گئے ۔ بزدل دشمن ??وں حملے دا بھیانک انجام بھوڳݨا پوسی۔ پوری قوم افواجِ پاکستان دے نال چٹان وانڳوں کھڑی اے۔24 کروڑ عوام بھارت دے خلاف مسلط کیتی ڳئی جنگ لڑسن۔پاک فضائیہ ولوں ہمیشہ دشمن ??وں دندان شکن جواب ݙتا ڳئے۔قوم اتے افواج دے حوصلے اُچے ہن، دشمن ناکام تھیسی۔بھارت ولوں پاکستان دی امن دی خواہش کوں کمزوری سمجھیا ونڄے،بھارت کوں سخت نتیجے دا سامݨا کرݨا پوسی ۔پوری قوم افواجِ پاکستان دی کامیابی کیتے دعا ??و اے۔
