اسلام آباد۔ 19 جون (اے پی پی) وفاقی وزیر منصوبہ بندی، ترقی و خصوصی اقدامات پروفیسر احسن اقبال نال انٹرنیشنل ڈیپارٹمنٹ آف دی کمیونسٹ ??ارٹی آف چائنا دے ترجمان اَتے انفارمیشن و کمیونیکیشن بیورو دے ڈائریکٹر جنرل ہو ژاؤ منگ دی قیادت اچ اتھاں ہک اعلیٰ سطحی چینی وفد ملاقات کیتی۔ وفد دے رلے ہو شیاوڈونگ، فان شی لیان اَتے لی زیشو وی ہن۔ اسلام آباد اچ چینی سفارتخانے دے سفارتکار جنہاں اچ ڈپٹی چیف آف مشن شی یوآن چیانگ اَتے اتاشی ژانگ ݙو شامل ہن، وی ??لاقات اچ شریک ہن۔ملاقات دا مقصد چین-پاکستان اقتصادی راہداری (سی پیک) دے ݙوجھے مرحلے اچ تعاون کوں مزید ودھاوݨ اَتے میڈیا، فنون اَتے ثقافت دے شعبیں اچ اشتراک دے نویں امکانات ڳولݨ ہئی۔ اے تقریب سی پیک سینٹر اچ منعقد تھئی اَتے ایندا محور جولائی اچ تھیوݨ آلے 14ویں جوائنٹ کوآرڈینیشن کمیٹی (جے سی سی) اجلاس دیاں تیاریاں دا جائزہ ڳھنݨ وی ہئی۔ایں موقع تے وفاقی وزیر منصوبہ بندی احسن اقبال پاکستان دے نینگراں اچ تنقیدی سوچ اَتے جدت کوں ودھاوݨ دی اہمیت تے زور ݙتا اَتے ایں ضمن اچ چین دی ترقی کوں بطور مثال پیش کیتی جئیں عوامی اعتماد کوں قومی ترقیاتی اہداف نال ہم آہنگ کیتا۔ انہاں چین دی مسلسل حمایت تے شکریہ ادا کریندے آکھیے جو عوامی رابطے اَتے میڈیا دے تبادلے ݙو طرفہ تعلقات کوں مزید گھاٹا کرݨ اچ کلیدی کردار ادا کرسڳدن۔ احسن اقبال آکھیے جو آوݨ آلا جے سی سی اجلاس سی پیک دی تاریخ اچ ہک سنگ میل ثابت تھیسی جئیں کیتے ورکنگ گروپس دی سطح تے تیاریاں بھرپور طریقے نال جاری ہن۔ملاقات اچ پاکستان اَتے چین وچال ثقافتی امور سودھے تخلیقی تجویزاں تے ڳالھ مہاڑ کیتی ڳئی جنہاں اچ صحافیاں اَتے ڈیجیٹل مواد تخلیق کرݨ آلیں وچال تبادلہ پروگرام، اَتے چینی مواد کوں انگریزی اچ ڈب کرتے مقبول اوٹ پلیٹ فارمز تے نشر کرݨ شامل ہئی تاں جو پاکستانی نینگراں چین دے سماج اَتے سی پیک دی ترقی کوں بہتر طریقے نال سمجھ سڳن۔وفاقی وزیر اطلاعات و نشریات، عطااللہ تارڑ وی اجلاس اچ شرکت ??یتی اَتے صحافیاں و سوشل میڈیا تے بااثر لوکاں کیتے ہک ڈیجیٹل ایکسچینج پروگرام شروع کرݨ دی تجویز ݙتی تاں جو ݙوہیں ملکاں دے عوام ہک ݙوجھے کوں بہتر طور تے سمجھ سڳن اَتے سی پیک متعلق غلط فہمیاں دا ازالہ کیتا ونڄ سڳے۔ ایں موقع تے پلاننگ کمیشن دی رکن ڈویلپمنٹ کمیونیکیشن آمنہ کمال ایں تجویز دی حمایت کیتی اَتے آکھیا جو انگریزی اَتے اردو اچ ڈب شدہ چینی مواد کوں ڈیجیٹل سٹریمنگ پلیٹ فارمز دے ذریعے وسیع پیمانے تے دستیاب بݨایا ونڄے تاں جو نینگر، ناظرین زیادہ موثر انداز اچ ایں توں فیدہ چاسڳن۔شرکاء اچ پلاننگ کمیشن دے چیف گورننس جاوید سکندر، پاکستان انسٹیٹیوٹ آف ڈویلپمنٹ اکنامکس (پائیڈ) دے وائس چانسلر ڈاکٹر ندیم جاوید اَتے سی پیک دے علاقائی رابطہ و انفراسٹرکچر اسپیشلسٹ ڈاکٹر مزمل ضیاء شامل ہن۔ ملاقات اچ پاکستان اَتے چین وچال تعاون کوں مزید مستحکم بݨاوݨ دے عزم نال تھئی جئیں اچ مکالمہ، تخلیقی اشتراک اَتے عوامی شمولیت کوں بنیاد بݨاوݨ تے اتفاق کیتا ڳئے۔ ایں موقع تے وفاقی وزیر منصوبہ بندی، ترقی و خصوصی اقدامات پروفیسر احسن اقبال اعلیٰ سطحی چینی وفد دے اعزاز اچ ݙوپہر دا کھاݨا وی ݙتا۔
