شنگھائی۔15ستمبر (اے پی پی) صدر مملکت آصف علی زرداری پراوی کوں شنگھائی اچ کمنسٹ پارٹی آف چائنا دی پہلی نیشنل کانگریس میموریل دا دورہ کیتا۔ ایوان صدر دے پریس ونگ موجب خاتون اول محترمہ آصفہ بھٹو زرداری تے چیئرمین پیپلزپارٹی بلاول بھٹو زرداری وی انہاں دے نال ہن۔ میموریل شنگھائی دے تاریخی فرنچ علاقے اچ واقع اے اوہ ڄاہ اے جتھاں جولائی 1921ء اچ کمنسٹ پارٹی آف چائنا دی پہلی میٹنگ تھئی ہئی۔ صدر مملکت تاریخی شنگھائی مینشن طرز دی عمارت تے نمائش ہال دا دورہ کیتا، نمائش وچ تاریخی نوادرات، تصاویر تے دستاویزات محفوظ ہن۔ صدر مملکت ایں تاریخی ورثے دے تحفظ کوں سَراہا، اے میموریل قومی ثقافتی ورثہ تے شنگھائی دا نمایاں تاریخی مقام تسلیم کیتا ویندے۔ ہک سو چار سال پہلے چیئرمین ماؤ زے تنگ سمیت ترائے رہنماواں پارٹی دی پہلی میٹنگ اچ شرکت کیتی ہئی۔ کمیونسٹ پارٹی چین کوں غربت کنوں کڈھ تے عالمی فوجی، ٹیکنالوجیکل تے معاشی طاقت بݨایا۔ صدر مملکت ایں موقعے تے مہماناں دی کتاب اچ آپݨے تاثرات قلمبند کریندیں ہوئے آکھا جو کمیونسٹ پارٹی آف چائنا دی یادگار دا دورہ میݙے کیتے ہک اعزاز دی ڳالھ اے، اے تاریخی مقام چین کوں عالمی طاقت بݨاوݨ وچ کمیونسٹ پارٹی دے کردار کوں واضح کریندے۔ صدر آصف علی زرداری آکھا جو صدر شی جن پنگ دی بصیرت افروز قیادت دوستی دی رفتار کوں تیز کر ݙتی اے، اساݙے تاریخی تعلقات مزید مضبوط تھیسن تے ترقی کریندے رہسن۔ صدر شی دے وژن دی بدولت چین وݙی عالمی معاشی طاقت بݨ ڳئے، آہنی بھراواں دے طور تے اساݙی دوستی ہر شعبے وچ ترقی کریندی رہسی۔ صدر مملکت آکھا جو پاک چین دوستی تے ہر موسم دی شراکت داری پلدی پھلدی رہسی۔ یادگار کوں قومی ثقافتی ورثے دی جاہ دے طور تے تسلیم کیتا ویندے تے اے شنگھائی دے اہم تاریخی مقامات وچوں ہک اے۔ سینیٹر سلیم خان مانڈوی والا، وزیر اطلاعات و ٹرانسپورٹ سندھ شرجیل میمن تے وزیر منصوبہ بندی و توانائی سندھ سید ناصر شاہ وی صدر مملکت دے نال ہن۔ پاکستان اوچ چین دے سفیر جناب زانگ زاؤڈونگ تے اچ پاکستان دے سفیر جناب خالد ہاشمی وی ایں موقعے تے موجود ہن۔
.jpg)
.jpg)
