اسلام آباد۔11مارچ (اے پی پی) وفاقی وزیر اطلاعات تے نشریات عطاء اللہ تارڑ آکھیا جو سمندرپارپاکستانیاں ریکارڈ ترسیلات زر ٻھجوائن، پاکستان دے معاشی اشاریے مثبت تھیندے پئن، دوست ملک ملکی معاشی ترقی کوں منیندن، پاکستان دے فیدے کیتے جو وی کرݨا پئیا کریسوں۔ چھݨ چھݨ کوں وزیر خزانہ محمد اورنگزیب دے رَلے میڈیا نال اہم ڳالھ مہاڑ کریندیں ہوئیں وفاقی وزیر اطلاعات آکھیا جو اوورسیز پاکستانیز لائق تحسین ہن جنہاں ریکارڈ ترسیلات زر پاکستان ٻھجوا تے ملکی ذخائر اچ ودھارا کیتے۔ انہاں آکھیا جو پاکستان دے معاشی اشاریے مثبت تھیندے پئن، دوست ملک ملکی معاشی ترقی کوں منیندن، پاکستان دے فیدے کیتے جو وی کرݨا پئیا کریسوں۔ میکرو اکنامک انڈیکیٹرز بہتر تھیندے پئن، زرمبادلہ دے ذخائر اچ ودھارا اتے ترسیلات زر بہتر تھین۔ مہانگ ساݙھے نو سال دی ڳھٹ ترین سطح تے آڳئی اے۔ انہاں آکھیا جو ترکیہ دے صدر رجب طیب ایردوان جݙاں پاکستان آئے تاں انہاں پاکستانی معیشت دی بہتری اتے ایں بارے وزیراعظم اتے فنانس ٹیم دی کوششاں دی تعریف کیتی اے۔ ازبکستان دے صدر پریس کانفرنس اچ پاکستان د ی معیشت دی تعریف کیتی اے۔ وفاقی وزیر اطلاعات عطاء اللہ تارڑآکھیاجو کھنڈ بارے وزیراعظم جو اقدامات کیتن او تاریخ اچ ??ݙا??یں نی ڳھدے ڳئے۔ سیلز ٹیکس دی وصولی ہک سال دے اندر 15 ارب توں 24 ارب تئیں پڄ ڳئی اے۔ ایف بی آر نال ایف آئی اے اتے آئی بی دی ٹیماں رَل تے ملز دی سکروٹنی کیتی اتے جدید ٹیکنالوجی متعارف کرائی جئیں اچ سی سی ٹی وی کیمرے، مانیٹرنگ سسٹم ، ہیومن انٹیلی جنس سودھے ملاں دے اندر بیگز تے سٹیمس لاوݨ شامل اے۔ وفاقی وزیر آکھیا جو وزیراعظم شہباز شریف پرائس کنٹرول میکنزم بارے میٹنگ کیتی اتے اسلام آباد بارے انہاں وݙی سختی نال ہدایت ݙتن اتے وزرا دی مانیٹرنگ ٹیماں ٻݨائن جو بازاراں اتے دکاناں تے وںج تے باقاعدہ ریٹ لسٹ چیک کرن۔ 20 ارب روپے دا رمضان پیکیج انہاں آکھیا جو گزریل سال دے مقابلے ترائے گنا ودھ اے، اینکوں ڈیجیٹل وائلٹ نال تقسیم کیتا ویندا پئے۔ تعمیر تے ترقی دا پندھ جاری رہسی، پاکستان جو اڑان بھری اے او نئیں اچائیاں تئیں ویسی۔
.jpg)
