اسلام آباد۔29جون(اے پی پی) وزیراعظم شہباز شریف، وزیرخزانہ سینیٹر اسحاق ڈار، وزیردفاع خواجہ محمد آصف اتے وزیراطلاعات مریم اورنگزیب نال پاک افغان سرحدی علاقے پارہ چناراچ عید فوجی افسراں اتے جواناں نال گذاری اتے عید نماز وی پڑھی۔ ایں موقع تے آرمی چیف جنرل عاصم منیر وی موجود ہن۔ وزیر اعظم پاک فوج دے جواناں اتے افسراں کوں مبارک ݙتی۔ وزیراعظم پاک فوج دے وجاناں اتے افسراں نال خطاب کریندے پاک فوج دے اعلیٰ جذبے، عسکری تیاری اتے اعلیٰ پیشہ وارانہ معیار دی تعریف کیتی۔ وزیراعظم آکھیا جو مادروطن دی سرحداں دی جرأت وبہادری نال حفاظت کرݨ آلے اپݨے افسراں اتے جواناں دے جذبے کوں سلام پیش کرینداں ڄیڑھے اپݨا آرام چھوڑ تے وطن عزیز دے تحفظ، دفاع و سلامتی کیتے کھڑن۔ وزیراعظم شہبازشریف پوری قوم خاص کر افواج پاکستان دے افسراں تے جواناں کوں عید مبارک ݙتی اتے عزم دوہرایا جو امن تباہ کرݨ، دہشت گردی کرݨ، انہاں دے ٻانھ ٻیل اتے سہولت کاراں کاراں کوں کتھائیں لکݨ دی ڄاہ نا ملسی، قوم کوں تقسیم کرݨ اتے فساد کھنݙاوݨ آلیاں کوں ہر ڄاہ تے شکست تھیسی، ساکوں شہداء پاکستان تے ماݨ اے۔
