اسلام آباد۔18فروری(اے پی پی)وزیراعظم شہباز شریف دی اڳواݨی اچ اسلام آباد اچ وفاقی کابینہ دا اجلاس تھئے جیندے اچ انہاں بیرون ملک پاکستانی مشنز اچ خدمات نظام دی ڈیجیٹائزیشن اتے وفاقی وزارتاں اتے محکمیاں اچ 20 مارچ تئیں ای-آفس دے مکمل نفاذ دی ہدایت کیتی۔ وفاقی کابینہ اقوام متحدہ دے کنونشن برائے سمندری قانون دے تحت بین الاقوامی قانونی معاہدے تے دستخط، صومالیہ کیتے قومی شناختی نظام بارے اڈینڈم 2 تے دستخط اتے ان لینڈ ریونیو اپیلیٹ ٹربیونل (اپوائنٹمنٹ، ٹرمز اینڈ کنڈیشنز آف سروس) رولز 2024 ??چ ترامیم دی منظوری ݙتی اے۔ وزیراعظم اجلاس کوں سعودی ولی عہد اتے وزیراعظم شہزادہ محمد بن سلمان ولوں ٻھیڄیے خط د?? ݙسایا جو خط اچ سعودی ولی عہد پاکستان کیتے پٹرولیم مصنوعات بارے مؤخر ادائیگی دی بنیاد تے سعودی ڈویلپمنٹ فنڈ ولوں ٻئے ہک سال کیتے 100 ملین امریکی ڈالرز ماہانہ ݙیوݨ دی تجدید د?? ݙسایا۔ اتے ہر اوکھے ویلھے حمایت تے سعودی عرب دا شکریہ ادا کیتے۔ اجلاس اچ وفاقی وزارتاں اتے ڈویژنز اچ ای-آفس دے استعمال تے بریفنگ ݙتی گئی۔ وزیراعظم ہدایت کیتی جو بیرون ممالک پاکستانی مشنز اچ خدمات سانڳے نظام دی ڈیجیٹائزیشن کیتی ونڄے تاں جو بیرون ملک مقیم پاکستانیاں کوں خدمات دی فراہمی اچ سوکھ تھیوے، ساریاں وزارتاں اتے محکمیاں اچ ای – آفس دا نفاذ 20 مارچ 2025 تئیں 100 فیصد مکمل کیتا ونڄے۔ وفاقی کابینہ کامران جہانگیر دی بطور منیجنگ ڈائریکٹر نیشن?? بک فاؤنڈیشن تعیناتی دی منظوری ݙتی اتے نیشنل کمیشن برائے انسانی حقوق اچ بطور ممبر اسلام آباد کیپٹل ٹیریٹری تعیناتی کیتے 6 ناں وزیراعظم اتے پارلیمنٹ اچ لیڈر آف اپوزیشن کوں ٻھیڄݨ دی منظوری ݙتی۔ کابینہ صومالیہ کیتے قومی شناختی نظام بارے اڈینڈم 2 تے دستخط دی منظوری ݙتی جیڑھا ویری فکیشن سروسز، موبائل انرولمنٹ ایپلی کیشن اتے آفیشل پیمنٹ گیٹ وے اتے انفراسٹرکچر بارے اے۔ وفاقی کابینہ ڈاکٹر شاہد اسلم مرزا دی بطور مینجنگ ڈائریکٹر کورنگی فشریز ہاربر اتھارٹی تعیناتی دی منظوری ݙتی اتے وطیم میڈیکل کالج، راولپنڈی دی رجسٹریشن کیتے نظرثانی درخواست قانون دے مطابق کارروائی کیتے پاکستان میڈیکل اینڈ ڈینٹل کونسل کوں بھجواوݨ دی وی منظوری ݙتی۔ کابینہ پاکستان انجینئرنگ کونسل دی گورننگ باڈی دے انتخابات اچ بے ضابطگیاں بارے کمیشن آف انکوائری تشکیل ݙیوݨ دی منظوری ݙتی اتے ان لینڈ ریونیو اپیلیٹ ٹربیونل (اپوائنٹمنٹ ، ٹرمز اینڈ کنڈیشنز آف سروس) رولز، 2024 ??چ ترامیم دی منظوری ݙتی۔ وفاقی کابینہ اقتصادی رابطہ کمیٹی دے 14 فروری 2025 دے اجلاس دے فیصلاں سودھا کابینہ کمیٹی برائے لیجسلیٹو کیسز دے 17 فروری 2025 دے اجلاس دے فیصلاں دی وی توثیق کیتی اے۔
.jpg)
