اسلام آباد ۔ 24 اگست (اے پی پی) وزیر خارجہ مخدوم شاہ محمود قریشی آکھیے جو بھارت جو مرضی اکھیندا رہ ونجے ، پاکستان تے چین سی پیک تے پیشرفت جاری رکھیسن ،سعودی عرب پیسے منگیے نہ ادھار تے تیل بند کیتے ،اے سارا کوڑ اے ،کشمیر متعلق بھارتی دعوے ”اٹوٹ انگ“ کوں اساں نئیں منیندے اتے ”اندرلے معاملے “کوں دنیا نی منیندی ، بھارت نقلی”فلیگ آپریشن“ دا ناٹک رچا سگدے ، بھارت کشمیریاں دے عزم کوں بھنڑ اچ ناکام تے جموں کشمیر اچ لاک ڈاﺅن دے خلاف علم بغاوت بلند تھی چکے،مقبوضہ کشمیر دی بھارت نواز چھی سیاسی جماعتاں دا سانجھا اعلامیہ اہمیت رکھیندے ، اسرائیل متعلق پاکستان کہیں دباﺅ اچ آتے فیصلہ کائناں کریسی ،پاکستان تے سعودی عرب دے موقف اچ پوری یگانگت اے ۔سنوار کوں وزارت خارجہ اچ پریس کانفرنس نال خطاب کریندے ہوئیں وزیر خارجہ آکھیے جو 5 اگست 2019ءدے اقدامات توں کشمیریاں دے تشخص اتے انجھ آئینی حیثیت کوں پامال کیتا گیا۔ہزاراں کشمیری نینگراں کوں غیر قانونی طور تے پابند سلاسل اتے کشمیری قیادت کوں نظر بند کر ڈتا گیا جڈان جو پابندیاں اتے غیر قانونی اقدامات دا تسلسل ہک سال بعد وی جاری اے ۔بھارت ولوں کالے قوانین دے نفاز اچ ودھارا وی تھئے ۔انہاں عالمی اقتصادی ماہرین دا حوالے ڈیندے ہوئیں بھارتی اقدامات نال مقبوضہ جموں و کشمیر اچ ہک سال اچ پنج ارب ڈالر دا معاشی ضیان تھئے ۔ بی جے پی سرکار آکھیے جو اساں اے اقدامات کشمیریاں دی بہتری کیتے چیندے پیوں لیکن متقی سوال اے اٹھدے جو اگر اے اقدامات ترقی یا بہتری کیتے ہن تاں اتھاں شادیانے وجنڑے چاہیدے ہن ، بھارت ڈساوے ہک سال اچ اتھاں کتنی سرمایہ کاری آئی اے ۔ مقبوضہ کشمیر دیاں 6 پارٹیاں جیرھیاں جو پہلے دلی سرکار دے پاسے ڈیکھدیاں ہن ہنڑ او انہاں توں تنگ ہن اے وڈی تبدیلی اے ۔وزیر خارجہ آکھیا چین کشمیر تے واضح موقف اختیار کیتے چین واضح طور تے بھارت دے 5اگست دے اقدامات کوں مسترد کیتے اتے آکھیے جو مشرقی لداخ اچ اساں بھارت دے موقف کوں نی منیندے ۔چین سی پیک تے آلے آلے شکوک و شبہات کوں وی سانجھے اعلامیے اچ مسترد کرڈتے ۔ انٹرنیشنل کرائسز گروپ کشمیریاں دی جدوجہد کوں مقامی سیاسی مزاحمت نال تعبیر کریندا پئے ۔بھارت نقلی فلیگ آپریشن کرسگدے میں ایں سلسلے اچ مختلف مراسلیں اچ جنرل سیکرٹری اقوام متحدہ اتے صدر سلامتی کونسل کوں بھارتی عزائم بارے ڈسا ڈتے ۔
